அதன் பின்னர் நாம் அனைவரும் "வேறஹேர" என்ற விகாரையை காணச்சென்றோம். அங்கு தென்னாசிய பகுதியில் காணக்கூடிய மிகப்பெரிய புத்தர் சிலையை பார்வையிட்டோம். இது எம்மில் அனைவருக்கு ஒரு புதிய அனுபவமாக மாத்திரமல்லாமல், பிற மதங்களை பற்றிய ஒரு பரந்த நோக்கையும் ஏற்படுத்தியது.

அதனைத் தொடர்ந்து நாம் அனைவரும் இலங்கையின் தென் முனையாக விளங்கும் தெய்வேந்திர முனைக்கு சென்றோம். அங்கு நாம் சென்றதன் முக்கியத்துவமானது நாம் இலங்கையின் வட முனையாகிய பருத்தித் துறைமுகத்துக்கு செல்லும்போது தெளிவாகும். இது எம்முடைய வீதிப் பயணத்தில் ஒரு முக்கிய சாதனையாகக் கூட கருதலாம்.

நாம் எம்முடைய வழமையான வேலைப்பாடுகளில் ஈடுபடாவிடினும், இந்த நாளானது மிகவும் முக்கியமான ஒரு நாளாகும். ஏனெனில், நாம் செல்லும் இந்த வீதிப்பயணம் இலங்கையின் நாலாபக்கங்களிலும் நிறைவாகக் காணப்படும் அழகினை ரசிப்பதற்கும் அதனை குறித்து பெருமை பாராட்டுவதற்கும் ஒரு சந்தர்ப்பமாகக் கூட விளங்குகின்றது. இந்திய சமுத்திரத்தின் முத்து எனக் கருதப்படும் நம் இலங்கை தேசத்தின் சுந்தரத்தையும் அழகையும் பார்த்து ரசிக்க எம்மனைவருக்கும் இது ஒரு சிறந்த வாய்ப்பாக அமைந்துள்ளது.